Mi ne estas klarvida, propradire. Mi nur penas esti diplomata. Sed antaŭ ĉio, mi ne volas ŝprucmakuli miajn vestojn per haringa peklakvo, kaj tial mi enakvigas la haringujon malfermonte ĝin.

Diplomata povus oni esti, asertante, ke oni estas klarvida. Oni ankaŭ povus kontraŭe esti malĝentila, rimarkigante, ke kelkaj personoj tuttempe ripetas la samajn diraĵojn, kvazaŭ certaj zorgendaj maljunuloj. Cetere, mia patrino multjare zorgis maljunulojn.

Por ilustri, ke kelkaj personoj tuttempe ripetas la samajn aferojn, oni povas rakonti pri fermentita baltharingo. Fermentita baltharingo iamaniere estas apenaŭ ŝanĝanta afero, kaj tial oni malofte povas diri ion novan pri ĝi. „Ĝi odoras kurioze.“ „Kelkaj ŝatas ĝin, aliaj ne.“ „Eniri tien, kie iuj manĝas fermentitan baltharingon estas kiel eniri en rektumon.“

Ĝis mi havis 23 jarojn, mi havis reputacion kiel homo kiu rifuzis manĝi fermentitan baltharingon. Tiam mi unufoje estis invitita al tagmanĝo, kie la alternativo estis vienaj kolbasoj. Manĝi vienajn kolbasojn en nebulo de haringa odoro supozeble ne estus ideala alternativo. Fiŝo estas ĉiuokaze nutraĵo kun konata enhavo.

Ĝis mi havis 23 jarojn, mi kuntiris la nazon pro tiuj, kiuj manĝas fermentitan baltharingon. Unufoje, kiam Panjo volis manĝi fermentitan baltharingon, mi devigis ŝin eliri en la ĝardenon. Estis septembro kaj ekstere estis supozeble iom malvarme.

Nuntempe mi estas konvinkita, ke se mi estus frontata de la bizara situacio de esti ekzilita al dezerta insulo kaj de havi eblecon al tiu insulo kunpreni longtempe sufiĉantan stokon de io, mi ĉiuokaze kunprenus fermentitajn baltharingojn.

„Jes...la intenco estas, ke vi nun ridu! La bildostrio nun estas finita.“

„Kio do ,sarkasma al Sonia‘? Ĉu vi vere volas diri ke mi iel subsugestis ke ŝi estas senila??“

„Ne! Ne! Ne! Vi miskomprenis!“ Sekve estas en tiu ĉi bildo, kie mi penas esti kiel eble plej diplomata.

Sed vi jam scias, kion mi volas diri propradire, ĉu ne?

Mi nur volas diri, ke kelkaj personoj agas kvazaŭ ili estus senilaj. Tie ĉi ni revidas min kaj mian patrinon en kuireja medio.

Mi do ne estas klarvida. Ankaŭ ne diplomata.

Panjo havas seinfeldeskan kuirejon. Enirante en ŝian apartamenton, oni envenas rekte en la kuirejon. Sidante en ŝia kuirejo, oni devas esti preparita por gastoj. Fraĉjo venas kaj iras laŭ sia deziro, memevidente.

Mia frato neniam sukcesis lerni ŝati fermentitan baltharingon. Li asertas, ke li penis manĝi tian. Mi povas kompreni lin, ĉar mi mem rifuzis manĝi tian en la pasinteco.

Kiel mi diris, mi ne estas klarvida, propradire. Nur estas tiel, ke kelkaj personoj tuttempe ripetas la samajn diraĵojn.

© Linus Ganman,